اسلام کے تصور امن اور دہشت گردی کی مذمت پر مبنی تعلیمات کو سامنے لانے کی پہلے سے زیادہ ضرورت ہے۔
کراچی( پ ر) چیئرمین مجلس صوت الاسلام پاکستان مفتی ابو ہریرہ محی الدین نے یوم دفاع پر ملک بھر کے خطباء کرام اور تربیت علماء کورس کے شرکاء سے خصوصی خطاب کرتے ہوئے کہا کہ قوم دشمن کی ہر سازش کے خلاف متحد ہے، پاکستا کی مسلح افواج نے 1965ء کی جنگ میں اپنے سے کئی گنا بڑی فوج کو شکست فاش دی ، ہم اپنے قومی ہیروز کو سلام پیش کرتے ہیں، پاک فوج اور عوام ملک دشمن عناصر کو آج بھی 1965ء والے جذبہ وجراء ت سے جواب دیں گے۔ انہوں نے کہا کہ ملک میں جاری دہشت گردی کے خلاف جنگ میں پوری قوم افواج پاکستان کے شانہ بشانہ ہے ، آج علمائے کرام وخطبائے عظام کی ذمہ داری ہے کہ وہ عوام الناس کو اسلام کے تصور امن اور دہشت گردی کی مذمت پر مبنی تعلیمات سے روشناس کرائیں ، آخر میں انہوں نے تمام شرکاء سے عہد لیا کہ ہم سب اپنے ملک کی سالمیت اور وقار کو ملحوظ رکھتے ہوئے ایک دوسرے کی خوشحالی اور خیر سگالی کے لئے ہر ممکن کوشش کریں گے۔
