Author: Abu Zar

قابل احترام صدر مجلس فضل رحیم صاحب، انتہائی قابل قدر علماء کرام، محترم مفتی ابوہریرہ محی الدین صاحب، مفتی محی الدین صاحب، پارلیمنٹیرین صاحبان ،چوہدری نذیر احمد صاحب اورقاری عثمان صاحب انتہائی قابل قدر نوجوان علماء کرام، حاضرین محفل السلام علیکم 
یہ پہلا موقع ہے کہ اس طرح کا اجتماع یہاں کنونشن سینٹر میں منعقد کرایا گیا میں اس پر مجلس صوت الاسلام کے چیئرمین اور تمام منتظمین کو مبارکباد پیش کرتا ہوں۔ 
میں پچھلے ڈیڑھ دو سال سے مجلس صوت الاسلام کی تقاریب میں شرکت کرتا رہا ہوں اور میں سمجھتا ہوں کہ ایسی پروقار تقاریب کا انعقاد وقت کی ضرورت ہے۔پاکستان کے موجودہ حالات کے تناظر میں بھی اگر دیکھا جائے تو ایسی تقاریب سے معاشرے پر اچھے اثرات مرتب ہوسکتے ہیں۔ تعلیم وتربیت وقت کی ضرورت ہے اور اسی ضرورت کا احساس رکھتے ہوئے تعلیم کے ساتھ ساتھ تربیت کا اہتمام بھی میں نے مجلس صوت الاسلام کے پروگراموں میں دیکھا ہے۔ میں سمجھتا ہوں یہ ایک بہت بڑا کام ہے۔ میں نے کراچی،اسلام آباد اور دیگر جگہوں پر دیکھا کہ مجلس صوت الاسلام دین کی صحیح خدمت کررہی ہے ۔وہ نوجوان طلباء جو مدارس سے فارغ ہوتے ہیں ان کی تعلیم وتربیت کا اہتمام کرتی ہے۔ یہی ایک طریقہ ہے جو آگے جاکر عملی زندگی میں نوجوان بہتر انداز میں اپنی خدمات   سرانجام دے سکتے ہیں۔  "وفاقی وزیر برائے مذہبی امور سردار محمد یوسف " پڑھنا جاری رکھیں

ایسے لوگوں کو روکنا ہوگا جو اسلام اور علماء کی بدنامی کا باعث بنتے ہیں،

صدر مجلس، مہمان خصوصی جناب سردار محمد یوسف صاحب وفاقی وزیر مذہبی امور وبین المذاہب ہم آہنگی، علماء کرام، میرے شیخ المشائخ خواجہ خواجگان حضرت خواجہ خلیل احمد صاحب، عزیز احمد صاحب، محترم اراکین پارلیمنٹیرینز اور ملک بھر سے آئے ہوئے معزز علماء کرام اور میرے عزیز ساتھیوں ۔السلام علیکم ورحمۃ اللہ وبرکاتہ!
واللہ جانئے اس تقریری مقابلے کے انعقاد پر میری 6مہینے کی محنت ہے اور میں نے یہ 6مہینے رات دن ایک کیے ہیں اور پورے پاکستان سے اپنے ان نوجوانوں کو آگے لایا اور ان کی حوصلہ افزائی کے لئے پہلا انعام 10لاکھ روپے ، دوسرا انعام 5لاکھ اور تیسرا انعام  ڈھائی لاکھ روپے کا رکھا۔
میں اللہ وتبارک وتعالیٰ کا شکریہ ادا کرتا ہوں کہ جس تاریخی قدم کا ہم نے آغاز کیا تھا آج وہ نہایت ہی شاندار اور پروقار طریقے سے اختتام پذیر ہورہا ہے۔ میں اپنے اُن ساتھیوں کی حوصلہ افزائی کرنا چاہتا ہوں جنہوں نے اتنے شاندار طریقے سے اس تقریب کو کنونشن سینٹر میں سجایا ہے۔ میں ان ساتھیوں کی عظیم کاوشوں کو سلام پیش کرتا ہوں۔ ایک طویل فہرست ہے میرے پاس جن کا شکریہ ادا کرنا ہے مگر نقیب محفل میرے پیچھے کھڑے ہیں جب انہوں نے اپنے والد محترم کو نہیں چھوڑا تو مجھے کہاں چھوڑیں گے مگر چیئرمین مجلس صوت الاسلام کی حیثیت سے میرے بھی کچھ حقوق ہیں، کچھ انصاف کے تقاضے ہیں اور کچھ میرے اختیارات بھی ہیں۔ آپ مانتے ہیں کہ نہیں مانتے (اس پر ہال میں موجود ہزاروں شرکاء نے ڈیسک بجاکر مفتی ابوہریرہ محی الدین صاحب کے اختیارات کی تائید کی) اس کے بعد مفتی ابوہریرہ محی الدین نے مزید کہا کہ تھوڑا سا وقت اگر اوپر نیچے ہوگیا تو میں اس کی پیشگی معذرت چاہتا ہوں۔ "مفتی ابوہریرہ محی الدین " پڑھنا جاری رکھیں

یہ مولوی لازوال شخصیت ہے کبھی نہیں مٹے گا، 

الحمدللّٰہ وحدہ والصلوٰۃ والسلام علیٰ من لا نبی بعدہ 
امابعد! اعوذ باللّٰہ من الشیطن الرجیم، بسم اللّٰہ الرحمن الرحیم: انا نحن نزلنا الذکر وانالہ لحافظون صدق اللّٰہ العظیم وصدق رسولہ النبی الکریم
حضرات علماء کرام معزز حاضرین! میں دل کی گہرائیوں سے مجلس صوت الاسلام اور ان کی پوری ٹیم کو مبارکباد پیش کرتا ہوں اور جن طلبہ نے اپنے اپنے موضوع پر تقاریر کی ہیں میں ان کو سلام پیش کرتا ہوں۔ آج ان کا حوصلہ بڑھا ہے اور ان شاء اللہ العزیز اس میں مزید ترقی وکامرانی نصیب ہوگی۔ میں قاری محمد حنیف جالندھری سے عرض کروں گا کہ وفاق کے اندر بھی ہم کچھ ایسا نظام بنائیں جہاں ہمارے پاس لاکھوں طلبہ وطالبات زیر تعلیم ہیں ان کے درمیان بھی تقریری مقابلہ کرایا جائے۔ میں اس مبارکباد کے بعد صرف ایک بات عرض کرتا ہوں کہ میجر عامرصاحب نے اپنی تقریر میں کہا کہ علماء، مدارس اور مساجد کو کچھ نہیں ہوگا اور انہوں نے یہ بھی کہا کہ اگر کوئی ایسا وقت آیا تو ہم تین باہر نکلیں گے آپ آرام سے سوجائیں ۔ میں آج آپ کے علم میں یہ بات لانا چاہتا ہوں کہ یہ مولوی لازوال شخصیت ہے، یہ کسی کے مٹانے سے کبھی نہیں مٹے گا ۔اللہ جل شانہٗ نے وعدہ کیا ہے کہ یہ قرآن مجید ہم نے اتارا ہے اور ہم ہی اس کی حفاظت کریں گے۔ اس حفاظت کرنے والے کا نام مولوی ہے۔ مولانا روم کا ایک شعر مجھے یاد آیا، فرمانے  لگے ۔ "مولانا فضل رحیم " پڑھنا جاری رکھیں

یقین ہوگیا ہے، پاکستان ہی اسلام کا قلعہ ہے،

آج کے اہم موقع کے اوپر جس میں انبیاء علیہ السلام کے وارثان موجود ہیں میں اپنے عاجز اور فقیر اور گناہ گار بندے کیلئے بہت اعزاز سمجھتا ہوں کہ صوت الاسلام والوں نے ایک ایسے موقع کے اوپر جب پوری دنیا میں اسلام کے خلاف پروپیگنڈا ہورہا ہے ،بہت سی قسم کی باتیں کی جاتی ہیں ، ہمارے مذہب کو نقصان پہنچانے کی کوشش ہورہی ہے ، میں مدرسوں کی بات شروع کروں گا میرے حلقہ میں الحمد اللہ دو تحصیل ہیں جمرود تحصیل اور لنڈی کوتل ۔ جہاں تک جتنا میں نے دیکھا ہے ۔اس میں دیوبندیوں کے بھی مدرسے ہیں، بریلوی کے بھی ہیں اور اہل حدیث کا بھی ہے اور اس تناظر سے فاٹا میں اگر امن ہے تو وہ جمرود اور لنڈی کوتل کی تحصیلوں میں ہے،  اس سے آپ اندازہ لگائیں الحمد للہ کہ جمرود اور لنڈی کوتل کی تحصیل کے حلقے سے ایک بھی آئی ڈی پی نہیں ہے اس کی وجہ بھی یہی ہے کہ وہاں جو لوگ ایک دوسرے سے تعاون اور مدد کرتے ہیں صرف ثواب کی نیت سے کرتے ہیں ،ادھر کوئی فرقہ بندی یا مسلکی جھگڑا نہیں ہے، میں آپ کو یہ بھی بتائوں کہ سب سے زیادہ سکھ کمیونٹی جو ہے وہ بھی ہمارے علاقے میں ہے پورے پاکستان میں سب سے زیادہ تیراہ اور خیبر ایجنسی میں سکھ ہیں ۔وہاں کام کررہے ہیں، ان کی دکانیں بھی ہیں، ان کا ہمارے غموں میں اور خوشیوں میں اسی طرح آنا جانا ہے جیسا کہ ہمارے باقی مسلکوں کے لوگوں کا ہے۔ مذہب کا ہے ہمارے اسلام کا۔ 21ویں ترمیم کے حوالے سے میں اس لیے بات کروں گا کہ میں ایکشن پالیسی کمیٹی کا ممبر رہا ہوں، "الحاج شاہ جی گل آفریدی " پڑھنا جاری رکھیں

قائداعظم کا پاکستان

لقد کان لکم فی رسول اللہ اسوۃ حسنہ( الأیۃ)
جناب وزیر مذہبی سردار محمد یوسف صاحب، وائس چانسلر وفاقی اردو یونیورسٹی ظفر اقبال صاحب، جناب قاری حنیف جالندھری صاحب، جناب میجر محمد عامر صاحب، جناب مفتی ابوہریرہ محی الدین صاحب ، علماء کرام ،مہمانان گرامی اور عزیز طلبہ (السلام علیکم)
علامہ اقبال نے فرمایا کہ 
کی محمدﷺ سے وفا تو نے تو ہم تیرے ہیں
یہ جہاں چیز ہے کیا، لوح وقلم تیرے ہیں
سب سے پہلے میں مبارکباد پیش کرتا ہوں مجلس صوت الاسلام کو اور ان کے مقصد کو، پاکستان کی تاریخ میں بہت کم ایسے پروگرام منعقد ہوتے ہیں جو ہر طرح کی فرقہ واریت سے بالاتر ہوکر اسلام کی بنیادی تعلیم کو اجاگر کرتے ہیں۔ اقلیتوں کا تحفظ ہو یا کسی بھی انسان کے جان ومال کے تحفظ کی بات ہو۔ایک ہی بنیاد اور وہ ہے قرآن مجید کے احکامات اور محمد مصطفیﷺ کی تعلیمات اور   اسوۂ،ہماری ماں سیدہ عائشہ صدیقیہؓ کے بقول آپ صلی اللہ علیہ وسلم چلتا پھرتا زندہ قرآن ہیں۔ "صد یق الفاروق ‘چیئرمین متروکہ املاک وقف بورڈ کا اظہار خیال " پڑھنا جاری رکھیں

مایوسی ختم ہوگئی

نحمدہ ونصل علیٰ رسولہ الکریم
اما بعد !
بزرگ اور بڑی شخصیات کی موجودگی میں میرے بھائی ابوذر نے مجھے بڑی آزمائش سے دوچار کردیا ۔میں تقریریں سننے آیاتھا تقریرکرنے نہیں آیاتھا۔جب میں ہال میں داخل ہوا تو میں مایوسی کا شکار تھا لیکن ان نوجوان علماء کو سننے کے بعد میں اس ہال سے ایک مطمئن شخص کی حیثیت سے جارہا ہوں،میں اپنے بھائی مفتی ابوہریرہ محی الدین صاحب کو مبارکباد دیتا ہوں اور مجھے پورا یقین ہے کہ اگر ان نوجوانوں کا یہ پیغام ہم تک پہنچے جو بیماریاں انہوں نے بیان کی ہیں ان میں سے کوئی بھی بیماری نہیں بچے گی۔ مسئلہ یہ ہے دہشت گردی، شدت پسندی، انسانی حرمت کی بے توقیری، اقلیتوں کے ساتھ ظلم،عدم برداشت یہ ساری بیماریاں انہوں بیان کیں اور اس کے ساتھ ساتھ ان کی دوا بھی تجویزکردی ہے اوروہ ہے قرآن ۔جوان بیماریوں کا حکیم اور دواخانہ ہے لیکن افسوس وہ آج ٹارگٹ ہے، ایسی بیماریوں کے جراثیم ہم نے پھیلائے ہوئے ہیں ان کے بعد ان بیماریوں کا علاج کرنے والے آپ ہو مگر آپ بھی ٹارگٹ ہیں  تاکہ نہ بچے بانس نہ بجے بانسری۔  "میجر ریٹائر ڈمحمد عا مر " پڑھنا جاری رکھیں

اہل مدارس پاکستان کے لئے ہر دم تیار ،

اما بعد!
قابل صد احترام حضرات علماء کرام ،ارباب دانش احباب فکر ونظر، برادران اسلام و طلباء دین 
السلام علیکم ورحمۃ اللہ وبرکاتہ 
میں سب سے پہلے برادر مکرم مولانا مفتی ابوہریرہ محی الدین صاحب کو کل پاکستان بین المدارس تقریری مقابلے کے انعقاد پر دل کی گہرائیوں سے مبارکباد پیش کرتا ہوں۔ بلاشبہ پاکستان کے چاروں صوبوں میں اور اس کے بعد ملکی سطح پر ان مقابلوں کا جس اہتمام سے انہوں نے انعقاد کیا اس پر ہم سب کی طرف سے تحسین کے مستحق ہیں ۔ وقت چونکہ کم ہیں اس لیے میں اختصار کے ساتھ آج اس کنونشن سینٹر میں ایک بار پھر دینی مدارس کا مقدمہ پیش کررہا ہوں، دینی مدارس ایک اپنی شاندار تاریخ رکھتے ہیں، مدرسے اور اسلام لازم وملزوم ہیں جس دن دنیا میں اسلام آیا اسی دن مدرسہ وجود میں آیا۔ "مولانا قاری حنیف جا لند ھری " پڑھنا جاری رکھیں

دینی مدارس کا پیغام

چیئرمین شعبہ علوم اسلامیہ ‘پنجاب یونیورسٹی
آج اسلام آباد کے کنونشن سینٹر میں کل پاکستان دینی مدارس کے طلباء کے تقریری مقابلے کا فائنل ہوا۔ یہ مقابلہ جات ڈویژنل اور پھر صوبائی سطح پر گزشتہ کئی مہینوں سے جاری تھے۔ ان مقابلوں میں شریک ہر طالب علم اس خواہش اور جذبے کے ساتھ شریک ہوا کہ میں فائنل کیلئے منتخب ہوں گا اور فائنل میں اول انعام (10لاکھ )روپے کی خطیر رقم حاصل کروں گا۔ مجھے ان مقابلوں میں بیشتر میں بحیثیت منصب شرکت کا موقع ملا اور میں نے طلبہ کے اندر ایک نیا جوش وولولہ اور ایک تحریک دیکھی ۔ "ڈاکٹر محمد سعد صدیقی " پڑھنا جاری رکھیں

ڈائریکٹر الشریعہ اکیڈمی گجرانوالہ

مجلس صوت الاسلام پاکستان نے گزشتہ کئی ماہ سے دینی مدارس کے طلبہ کے درمیان تقریری مقابلوں کا جو سلسلہ شروع کر رکھا تھا وہ 8 جنوری کو مکمل ہوگیا ہے۔ مجلس صوت الاسلام پاکستان کی یہ مہم در اصل کئی سالوں سے جاری ہے کہ دینی مدارس کے طلبہ میں خطابت کے عصری تقاضوں کا ذوق بیدار کیا جائے اور انہیں بیان و خطابت کی فنی ضروریات کے ساتھ ساتھ عصر حاضر کے اسلوب اور معروضی حالات و مسائل کے ادراک کی طرف متوجہ کیا جائے، تاکہ وہ اسلام کی دعوت و دفاع اور معاشرہ کی اصلاح و تنظیم کے لیے زیادہ بہتر خدمات سر انجام دے سکیں۔ اس مقصد کے لیے مجلس صوت الاسلام کے زیر اہتمام خطابت کا ایک سالہ تربیتی کورس بھی جاری ہے جس کے تحت اسلام آباد، کراچی، پشاور اور کوئٹہ میں علماء کرام کی باقاعدہ کلاسیں بیٹھتی ہیں اور دینی و عصری  موضوعات پر مختلف اصحاب علم و دانش کے محاضرات ہوتے ہیں۔  "مولانا زاھدالر اشدی " پڑھنا جاری رکھیں

1

نام .محمد ابراہیم
ولدیت . دریا خان
مدرسہ .جامعہ دارالعلوم عثمانیہ دہلی فارم ٹنڈو جام 
درجہ .سادسہ

2

نام .عبدالحمید
ولدیت .محمد امین
مدرسہ .ادارۃ الفرقان اللہ والی مسجد 
درجہ .رابعہ

3

نام .محمد وقاص
ولدیت . مولانا حق نواز
مدرسہ .جامعہ الصفہ سعید آباد 
 درجہ .دورہ حدیث "سندھ مکمل فہرست " پڑھنا جاری رکھیں